好多謝大家對小me嘅關心同支持，真係好多謝你地嘅正能量呀。依幾日都冇update返小me嘅近況，一來因為個傻豬囡一見我唔到就會扭計，二來係唔想大家覺得小me係可憐豬。依家等我講下依幾日佢嘅情況啦：
返到屋企放左小me入籠，唔敢俾佢出黎呀，因為插住喉怕佢整親傷口。佢今次好嗲呀，晚上MOBY媽打黎問候小me情況，我只不過走去廚房講電話之麻，個傻豬見我唔到就猛扭計，CEO即刻叫我去返小me面前講電話呀。另外小me要帶住喇叭，所以我又係要親手餵佢食mom mom，食飽就餵食抗生素。
↑告別腫腫三寶：抗生素、針筒、生理鹽水
↑小me：醫生驚我會R傷口，所以我又要戴喇叭呀
星期二早上幫佢清洗傷口，我負責抱住佢，CEO負責洗，都冇乜血水洗出黎，同埋一路洗我一路讚佢叻叻豬，佢就會好開心咁擺尾。佢好精神呀，成日企喺度想睇清楚出面發生咩事，正八卦妹。所以索性將佢個籠放出D，等佢望到晒全屋嘅情況。不過由於困籠，所以佢係唔肯poopoo同vivi嘅....
星期三今日洗傷口放返出黎嘅水都好清，到大約6pm小me終於喺籠入面屙左篤大vivi喇，真係叻女。Muffin好鍾意拎D玩具响小me面前玩，正一衰仔包黎架，不過小me都冇佢咁好氣，用個pat pat對住哥哥。晚上9pm拖乾淨個地，放埋皮蛋同Muffin入廚房，就俾小me出黎行下。有得自由痕，佢開心到一路行一路扭pat pat呀，跟住仲喺廁所個地下再黎一篤特大vivi，我地冇話佢呀，仲讚佢乖添（不過第日好返就可以隨地vivi架喇）。vivi完，幫佢洗淨傷口同腳仔，就放返入籠覺覺豬咯。
星期四約左11am返診所覆診，早上放小me出黎行下，今次佢一出黎就即刻喺大門口poopoo喇，good girl，終於poopoo喇，一早叫你唔好忍架啦，依家係咪舒服晒呢？請佢食埋乳酪（因為要食抗生素，所以我地每日都會俾半茶匙乳酪小me食，佢會開心到耳仔都飛起），跟住幫佢洗滌埋傷口就出發去診所喇。
11點幾打俾CEO問佢小me點？佢話小me屙左超大篤poopoo，好似英國石柱群咁呀。
星期三今日洗傷口放返出黎嘅水都好清，到大約6pm小me終於喺籠入面屙左篤大vivi喇，真係叻女。Muffin好鍾意拎D玩具响小me面前玩，正一衰仔包黎架，不過小me都冇佢咁好氣，用個pat pat對住哥哥。晚上9pm拖乾淨個地，放埋皮蛋同Muffin入廚房，就俾小me出黎行下。有得自由痕，佢開心到一路行一路扭pat pat呀，跟住仲喺廁所個地下再黎一篤特大vivi，我地冇話佢呀，仲讚佢乖添（不過第日好返就可以隨地vivi架喇）。vivi完，幫佢洗淨傷口同腳仔，就放返入籠覺覺豬咯。
見Elain醫生果時小me又喺醫生張枱度扭晒pat pat，Elain醫生都忍唔住話佢真係好得意。我話小me身經百戰，醫生話：「咁又係呀，依度個個都記得佢。」醫生幫佢洗一次傷口，見到放出黎D水好清，就幫佢拔走條喉，小me又冇乜掙扎喎，唔知痛唔痛嘅呢？果兩個窿仔都有成厘米長，CEO問醫生咁個傷口點？使唔使貼膠布？不過醫生話唔使，叫我地放心，聽日就會見到個窿仔明顥細左一半架喇。
醫生話下星期可以拆線，不過中間都係返黎俾佢睇下，於是就約左星期日再黎覆診。我問點解都仲係腫腫地？醫生話因為佢始終都係對條線敏感，叫我地見到佢傷口有污糟就幫佢抺走佢。CEO好擔心小me會痛痛，所以問醫生使唔使開止痛藥佢食？不過醫生話唔使，食抗生素就得喎。
返到屋企冇幾耐，小me又喺籠度屙左篤好大嘅vivi（唔好話我成日講poopoo vivi變態呀，只不過唔想佢咁樣忍住，屙左出黎會舒服晒，我好開心麻）。到晚上兩個窿仔已經細左1/3喇，叻叻，不過今晚唔自由痕住喇，聽日先啦。
星期五早上抺乾淨地地就俾小me出黎自由痕，佢又例牌咁興奮，小me都不知幾精，行行下就訓正喺風扇前面抖涼。我今日要返工喇，不過有公公（CEO）陪住你。吩咐左CEO俾小me行到有poopoo就清洗傷口放返入籠餵佢食野同埋食乳酪...bla bla bla...etc.....其實CEO都會咁做，不過我總係唔放心要講一次。醫生話下星期可以拆線，不過中間都係返黎俾佢睇下，於是就約左星期日再黎覆診。我問點解都仲係腫腫地？醫生話因為佢始終都係對條線敏感，叫我地見到佢傷口有污糟就幫佢抺走佢。CEO好擔心小me會痛痛，所以問醫生使唔使開止痛藥佢食？不過醫生話唔使，食抗生素就得喎。
返到屋企冇幾耐，小me又喺籠度屙左篤好大嘅vivi（唔好話我成日講poopoo vivi變態呀，只不過唔想佢咁樣忍住，屙左出黎會舒服晒，我好開心麻）。到晚上兩個窿仔已經細左1/3喇，叻叻，不過今晚唔自由痕住喇，聽日先啦。
11點幾打俾CEO問佢小me點？佢話小me屙左超大篤poopoo，好似英國石柱群咁呀。
↑Muffin：妹妹你要快D好返呀，冇你陪我打交交，我好悶悶呀
↑小me：哥哥你放心啦，我好快就出獄，到時我實追住你黎打架喇
（鬼叫你成日突登喺我面前玩玩具呀？！）
