黑豬純影集

↑Charcoal：今次黑豬純影集創刊號嘅封面人物非我莫屬啦

↑Charcoal：我既可以扮演正經嘅新聞主播......

↑Charcoal：亦可以扮演頭鱷鱷嘅無知少女......

↑Charcoal：扮演專講人是非果D屎八婆更加係冇難度呀

↑Charcoal：大家係咪好想睇我嘅個人純影集呢？呵呵呵

↑小me：媽咪.....你發完嗡風未呀？

↑小me（突然醒起）：好似有D肚仔餓tim！

↑Charcoal：大家係咪.................（話未講完，說時遲那時快，小me已經......）

↑小me：我要飲奶奶！

↑Charcoal：我都話我冇奶奶好耐架咯，你咁樣人家會誤會架！唔怪之得我生完BB咁耐都未識到男朋友啦......

↑Charcoal：喂........好停喇喎！

↑小me：係咪咁孤寒，啜下都唔得先.....？

 ↑Charcoal：唔得呀！等我壓住D鐘仔先~~~

↑小me：車.....好叻咩.....人家啜奶奶癮起麻，你身為媽咪梗係要俾囡囡啜架啦.......

↑Charcoal：啋你都傻呀！

↑小me：咁我唯有lam手指啦....

↑Charcoal：你地話依個小me係咪傻傻地架？成歲半都仲要啜奶奶......

↑小me：繼續lam lam lam.....

↑小me：咩喎，人地仲係BB黎架咋

向綠洲出發

上星期六（13/4）我地一家五口同埋金叮媽去左寵物綠洲玩呀，果日雖然落左少少毛毛雨，不過大部份時間都好曬同好熱，我地要不斷淋水降溫呀。

↑Charcoal：唔，依塊石屎好似幾涼爽咁喎，等我霸住佢先！

↑小me：媽咪，我又要痴住你...............塊石屎

↑小me：今次冇花花，唯有用草草黎襯托我嘅美貌啦

↑Charcoal：好逼呀！HELP~~！（原來當時Charcoal個樣係咁無奈架！？）

↑Muffin：嘩！金叮媽抱人呀！好驚呀！

↑Muffin：快D走先得！你見我唔到你見我唔到......

↑Charcoal：你地唔好見我頭鱷鱷個鼻又流緊鼻水，就以為我傻先得架

↑Charcoal：其實我去左王X曼果度學芭蕾舞呀

↑小me：媽咪....我覺得以你嘅身形都係唔好跳ballet喇....

 ↑Charcoal：其實我下半身都跳得好好丫，我只不過係做唔到雙手掂頭頂依個動作之麻....

↑Charcoal：跳到身水身汗，都係抖下先得！

↑小me：點解....我覺得後面好似有股殺氣咁嘅？

↑小me：嘩！原來係金叮呀！好驚呀！（唔知點解小me好驚金叮....）

↑金叮：人家一身雍容華貴嘅造型，你地依D平民見到本公主梗驚D架喇

↑小me：都係坐喺婆婆大脾安全D

↑打機的CEO與疑似扭親腰的金叮媽

↑Muffin：我係狗仔隊隊長乜粉，等我為大家披露一件趣事，至於圖中Charcoal究竟做緊咩呢？依點就由各位觀眾自己幻想下啦~~

生活精選

都係因為屋企部電腦太慢同埋我太懶啦，好耐冇Update過個Blog喇。好多朋友仔都好關心四寶丸喺依幾個月入面發生咗咩事呢？放心，佢地幾個仲係咁（過度）活潑......唯一轉變嘅係.....四個都肥左好多呀！

依家講下依幾個月大概有D咩事發生啦。首先喺1月9日，Pugmart去彭福公園接受Season雜誌訪問，於是我就帶左Charcoal同小me兩個黑豬豬去一齊玩下囉。

↑Charcoal：熱屎辣辣，好心媽咪去DogXLife買件四百幾蚊嘅冷凍背心俾我著啦！

 

↑小me：婆婆，我唔怕熱架，你下次唔好帶Charcoal淨係帶我得架喇！

↑小me一定係覺得D花襯得佢好靚.....我排除萬難抱返佢出黎，唔夠1秒佢又走返入去....

↑除左派米，仲有咩可以令佢地咁齊心？

↑小me：媽咪，我幫你揼骨骨丫~~

↑小me：好喇，到你幫我按摩肚腩仔喇

↑CEO整嘅情人節蛋糕，小朋友唔食得~~

 

↑Charcoal &小me：曬下太陽keep住健康嘅膚色先！

↑曬曬下咁就訓著左咯.....

 

↑Ｍuffin：終於到我出場喇！等我叫埋唇膏仔同大家say個Hi先~~

再黎一齊睇下我地一家人嘅招牌笑容丫~~~

最後送上美臀雙輝圖一幅，歡迎大家剪存