留給爸媽的行李

今天媽媽去領回細佬的行李，媽媽說細佬今晚會回來探望我們，我也想向細佬訴訴苦哦。這陣子媽媽時常罵我曳曳，還打我的屁股！我只是跳上沙發，咬咬電線而已．．．其實，我只不過有點兒寂寞，有點兒不知所措。
等了一晚也見不到細佬，你是和我們玩hide and seek嗎？快點回來和我摔交唷！

Sticky留學去了

2005年5月22日月圓的晚上,媽媽告訴我細佬到外國留學去了。為甚麼細佬要去留學呢？家裡像少了點甚麼似的，爸媽也哭了．．．
媽媽的話：Sticky要去外國留學，儘管爸媽多麼不捨，也不得不讓你安心離開。一直希望待你打齊三支預防針便帶你出街走走，看看這個世界，認識多些朋友仔。可惜，你只留在我們身邊50天便要走了。媽媽很高興有你這個小淘氣兒子，一起的日子雖然短暫，但感情卻是這麼的深厚，希望你去到外國都要乖乖，結交多些朋友，做多些運動，等下次回來時要強壯點。有空記得寫信回來哦．．．

10%.....

昨天細佬突然嘔白泡和抽筋,立刻帶牠去看起來夜診，途中牠又再次抽筋．．．經診斷後，醫生說細佬的狗瘟上了腦，進入了神經系統，生存率只得10% >_<．．．醫生說到最後都可能要為細佬打針。但仍然有10%哦，細佬也說牠不想離開我們，牠還這麼活潑．．．我們選擇讓牠留院觀察，希望細佬快點痊癒回來，我不會再蝦你啦。
媽媽的話：細佬在抽筋時是失去知覺的，抽一會牠便會如夢初醒，接著又活活潑潑的。好希望細佬能好番（雖然醫生說痊癒後也可能會時常抽筋．．．）但若果有一天你真的很辛苦，要給你安樂死，媽媽也會陪你走到最後的，我要你生命中每一刻都充滿愛和溫暖，這是爸媽打從養你開始已對你許下的承諾。

太過份了！

細佬太過份啦，今天牠竟然特登all篤屎屎在我的地氈上！我狠狠地"睥"著，但牠仍毫無歉意．．．
（媽咪：誰叫昨天細佬想訓地氈時你"bell"開牠咩．．．）好在夏天我不太睡地氈呢。
晚上又去媽咪的媽咪家吃飯啦，不過真的很熱哦，回程時我見地就訓，顧不得儀態啦！

好熱哦...

今天細佬出籠逛逛鬆一鬆筋骨，我當然要熱情款待牠一番啦，不過最後都是變成摔交收場，細佬仲瀨左尿尿tim．．．之後去摩士公園踩草草（當然冇細佬份啦），我最鍾意就是踩草草啦。行行下我見到雀仔，緊係要追下佢地啦。行下行下，媽咪話想食碗仔翅，於是我地就行去樂富啦。嗄嗄嗄．．．點解越行越熱架？？！嗄嗄．．．爸媽立刻去買了支水水給我喝和淋濕我個頭，之後仲抱我行了一段路讓我休息下。聽講黑色係吸熱喎，唔怪得我咁熱啦．．．好累哦．．．媽咪邊行邊為我打氣：「加油呀，快到啦！」我要快D返屋企嘆冷氣！
終於到家啦，爸媽為我洗白白降溫，YO~~舒服晒~~
今天細佬又開始饑饉三十啦，係咪前幾日食滯左呢？？
p.s.在樂富有個媽媽告訴她的小孩我是老虎狗，還叫他小心我all尿尿．．．佢係咪傻架="=？

雞肉罐頭

偏心！偏心！幫細佬剪指甲唔幫我剪（雖然我唔鍾意剪），跟住仲幫細佬洗埋個籠tim．．．做咩唔洗埋我果個咁懶架！？不過後來我都有雞肉罐頭作補償．．．hehe...我食到咀lum lum哦（但點解狗糧的比例好似比平時多呢！？）

ocean park

今天媽咪和她的婆婆去海洋公園玩，到晚上她回家時給了我一份海洋公園的手信~~牙齒夾夾棒！媽咪話我時常咬她腳指，所以她要報仇咬番我腳指喎．．．哎呀．．．我唔夠果支夾夾棒打tim．．．走為上著！
嘩！今天細佬挑戰12匙糧成功，黑洞肚又再次復活啦。仲有仲有，媽咪今天教我跳杰他他舞，還為我拍了video呢~~I'm dancing queen!

Charcoal vs Julie

今晚去媽咪的媽咪家吃飯，我又可以出街散步啦。每次行到鑽石山的停車場，我都要all篤屎屎作為紀念架！我最喜歡見到媽咪的媽咪和爸B的，因為他們很錫我，但我就不太喜歡Julie咯，人家每次想逗牠玩牠都兇巴巴的，今天牠又想咬我啦．．．嗚．．．怕怕Julie哦>_<
返到家第一件事是告訴細佬我去完街街玩（曬命）．．．haha．．．今天細佬的胃口好了很多哦，暫時吃了六匙糧啦，這就對了，吃多些才會強壯麻，你看看我多麼健康。

甩毛毛

今天開始細佬要困在籠中至少一星期了,因為牠耳仔的皮膚病傳染了給我>_< 令我的耳背甩了少少毛毛,好在對我的美貌影響不大。早知我就不咬牠的耳仔啦...(媽咪:哦...原來你蝦細佬...)希望細佬同我都快D好番啦^_^呀,我粒薛家瘡開始有少少結"蕉"了,等我再塗多些藥膏先。

薛家燕

昨晚發現我雙眼中間生了一顆瘡瘡！天啊！爸媽立刻笑我是薛家燕>_< 今天媽咪便買了一支藥膏給我塗瘡瘡，希望瘡瘡快些飛走啦。 細佬不知為何今天特別活躍，不斷向我作出挑釁。豈有此理，竟然對我的兇"睥"視若無睹！？

rainy day

這兩天下很大的雨，望出窗外總是黑麻麻的，爸媽告訴我天公"落狗屎"所以不可以出街街。為甚麼天公都會all屎屎呢？不能出街對我的影響並不大，因為我總會發明一些娛人娛己的玩意。嗯，今天我決定玩1x1接力跑！玩法如下：先咬住舊骨骨摶命跑，中途將骨骨丟掉，不要停，繼續跑．．．．繯繞全屋一圈後，再拾起骨骨再跑，再跑，再跑．．．．．嗄嗄嗄．．．