恐怖飯盒

諾查特拉瑪斯（Nostradamus）預言公元1999恐怖大王將會從天而降，

同年某日的一個中午，

好友阿凱和我正準備共晉午膳，

當他拿出飯盒，

我嚇然發現他飯盒內充斥著極不尋常的氣氛！

我不其然打了個寒顫......

歲月童真

八歲嘅表弟同佢同齡嘅表妹鬥高，結果表弟只係高表妹少少，表弟好不忿咁指住表妹：「都唔公平，佢有著襪！」我地聽完笑死左......

朋友話我知佢讀小學時嘅趣事。事緣佢小息時買左枝雪條，點知未食小息時間就完左，佢好乖咁將條雪條放入書包。放學喇，朋友好開心咁諗住响書包拎返條雪條出黎食，但條雪條「唔見左」......

細個果時有一次媽咪同D朋友去台灣玩，媽咪出發前同我講：「媽咪搭飛機果時，會响飛機度掉D芒果乾落黎俾你食。」結果.....我果日成日望住個天，等飛機經過......

都唔明做咩無啦啦擺卷廁紙做佈景......D大人諗乜架？

雞翼傳說

324人狗大戰蕉蕉蕉果日真係好多野食，花B媽醃果百幾隻雞翼可謂一個經典。燒完野食，大家好乖咁分配返食淨左嘅食物，我地係分配到四十幾隻雞翼。

兩個人點可以盡快食晒果四十幾隻雞翼呢？CEO同我講：「不如我今晚煎晒D雞翼，你帶返公司當零食啦」天呀！雞翼點當零食呀？唔係要我做做下野拎隻雞翼出黎「損」呀麻？

煎好左一碟雞翼......未完架......

仲有幾十隻煎緊呀

我的怪癖

1. 食飯時一定要先食左一啖白飯先

唔知點解，總之果餐如果有白飯嘅話，我一定要食一啖白飯先，跟住先會食餸。冇錯！一要係白飯，唔可以有汁嘅

2. 著鞋要先著右腳，後著左腳

依D唔知係咪叫咩「強制乜乜乜症」，無論著襪定著鞋，我都一定要著右腳先。有時趕時間，只係搵到隻左鞋，咁唯有著住先啦，到我搵埋隻右鞋呢，我就會除左隻左鞋，然後著返右鞋先。

3. 唔食生果味嘅食物

除左新鮮生果，我唔會食任何「生果味」嘅野，因為覺得D味好「人工」。當中包括士多啤梨雪糕同包裝好嘅果汁等等。

4. 唔食唔係喺我面前切嘅生果

出街食飯，有時會有生果盤送，除非佢喺我面前切，否則我係唔會食嘅。試過有一次，我問侍應可唔可以俾個未切嘅蘋果我......

5. 生命中不能缺少......潤唇膏

由細到大個咀唇都極乾，潤唇膏等同我嘅生命之源。試過有次返工唔記得帶潤唇膏，我幾個鐘冇得搽，結果我就發燒喇。同埋如果我唔記得帶潤唇膏，為左減少水份嘅揮發，我係會成日唔講野架。

6. 保持廁所清潔乾爽

自細好怕濕野，硬係覺得D野 濕左就好污糟。尤其係廁所，如果去D廁所地板有水再加有幾條毛髮，我就會起晒雞皮。所以我每日都會用大量紙巾去抺屋企個廁所，機乎每次入去都抺......有滴水都唔得。

7. 要貼牆訓

總之如果有牆嘅話，我就會揀貼牆果個位訓，可能我怕碌落床啩？

愛與夢飛行

每晚我都會發夢，細個果時晚晚都會喺夢境裡面飛翔，訓醒總希望自己真係擁有飛行能力。人大左，夢中飛行嘅次數減少，訓醒之後反而怕夢境成真——我唔想喺露台飛落街呀！

有時會諗：如果我喺現實中以為自己發緊夢，無啦啦就咁飛左落街點算？咁我使唔使訓覺都著靚D呢？

我諗野嘅方式唔係直線，好多時諗諗下依樣嘅野，又會突然踩行油一個U-turn再加個45度急彎去左諗第二樣野。有時同朋友傾偈，大家明明講緊A，但只要其中一句說話令我聯想到B，我就會講到好離題。我稱之為「思想失控」，不過另一個淺白D嘅說法係「九唔搭八」。

「九唔搭八」都算係我專長之一，我最鍾意諗D九唔搭八嘅野。例如食粥落湯圓、哈蜜瓜炒蛋、先著鞋後著襪等等（諗下啫......）

試過早餐一次過食左兩樣我好鍾意食嘅野：月餅同雪糕，結果屙足一日。我唔信係依兩樣野加埋嘅化學作用，所以第二日照食月餅同雪糕做早餐；原來真係唔可以一齊食架！我真係又屙左一日，仲食左半樽極臭嘅巴巴正露丸......