約左兩點鐘去到studio，一去到佢地四個就好hyper咁四圍八卦。我地好辛苦咁喺眾多嘅場景入面揀左三款（款款都想要，好難決擇呀），攝影師哥哥就去為我地準備佈景同props喇。
一直諗住Charcoal會係最合作果個，點知佢今日玩突出玩離群囉！叫佢sit佢就salute、叫佢down佢就sit.......，仲要一影大合照就走佬，激氣。
而是日最合作之星就係皮蛋，叫佢做咩動作永冇托手㬹，所以皮蛋嘅靚仔相係最多嘅。
Muffin就係一貫嘅細膽仔作風.....表情崩緊、四肢僵硬，連攝影師哥哥都忍唔住問佢可唔可以坐得型少少呢？
至於小me，佢原來係一個好professional嘅model黎架！影全家福果時，本來企喺Charcoal隔離，影影下佢又會換下位企去皮蛋離隔，同埋有時為左攝位，會「bell」開其他人囉，好專業架真係。
影完相，揀相原來先係最難果part！張張都好想要呀！結果我地揀左47張相。因為要等大約三個星期先可以收到相，而我又急住整年曆卡喎，所以問准左攝影師哥哥可唔可以俾我抄走其中4張相先（人家趕住喺《萬千pug pug賀聖誕》派俾咁多位街坊架麻，嘻！），依家率先喺度俾其中一張大家吊下癮先，另外果D要整好年曆卡先曝光架。
.................................................................................................................................................................................
為大家報告一下Charcoal尿尿嘅情況先：其實食完第一日藥之後Charcoal就冇尿尿滴血喇，同埋因為佢食藥丸會嘔（唔係藥物反應，而係唔肯食藥），所以醫生就為佢轉左藥水。Elaine醫生岩岩放大假，所以諗住黎緊依個星期帶Charcoal嘅小便返診所化驗，睇下好返晒未。
↑Moby媽，小me真係好鍾意你送果張床仔架，次次佢都訓到咁嘅樣架
↑小me變左做小丫環，次次都笑到我標眼水....
