終於等到708（上）

終於等到708 BBQ生日派對喇，真係等到頸都長呀。今日太陽伯伯唔只復工，而且仲比平時落力添，所以個個都熱到溶化左咁呀，一個二個小寶寶都圍住晒D水兜坐，所以今日舅父除左要扮演救生員，仲要兼職埋做消防員，成日拎住個大噴水壺幫佢地「救火」。

今日好多朋友仔呀，除左我地四寶丸之外，仲有金氏家族（金叮、金喜、金旺同金寶）、波哥、黎的、黎麥、Moby、Toby、拖肥糖、仔仔、囡囡、小嬌、吉仔、Money、咸蛋、肥豬、BoBo、茄汁、兜仔、嘜豬.....（如果有遺漏敬請原諒），好多謝好多謝你地今日賞面一齊黎玩呀，我地真係好開心架，不過因為今次係我地第一次搞咁大型嘅生日會，所以如果我依個傻婆今日有咩招呼不周，希望你地原諒我啦。

↑今日真係好好天呀，又熱又曬，真係去游水水嘅好時機呀

↑金叮：Charcoal你聞唔聞到呀？好似有D燒肉味呀

↑Charcoal：係呀.....我就黎曬熟左喇......

↑金氏總動員，左起：金叮、金旺、金喜、金寶

↑feefee：依排同肥妹女神冇乜進展，今日趁佢唔喺度，睇黎都要搵返個新對象先得，分散投資麻

↑今日成日冇停過嘅黎麥，好難先影到你一張三七面型仔相咋（其他張張都只係影到一團白色野）

↑Moby豬，你同你大佬今日使唔使咁夏老威呀？係咪黎搶鏡先？

↑Charcoal &小me：我地咁黑唔使再曬喇，都係搵個地方遮下蔭先

↑Charcoal：話晒我都係主腳之一，依兜水我mark左架喇，你地唔好過黎飲呀下

↑feefee：我都唔執輸......依兜我嘅

↑Charcoal &皮蛋：咸蛋，你咁細粒，等我地做保鏢保護你啦

↑三位黑豬美少女，你地分唔分到邊個打邊個呀？我地就係新Destiny Child

（左起：嘜豬、Charcoal、小me）

↑感謝Ada同佢朋友Carman為我地精心炮製嘅愛心春巻同埋角仔，正呀！

↑第一次游水水嘅小me，著住救生衣又游得幾醒喎

↑好野，終於等到切蛋糕時間喇

↑金叮：媽咪~~~有得食未呀？我等到頸都長喇

 ↑Charcoal：嘩....叮妹.....你條頸真係好長喎......

↑大合照！（em.....枱中間果團黑影呢......係Charcoal黎架）

↑好多謝好多謝大家送俾Charcoal嘅生日禮物呀，真係好感動，多謝多謝多謝呀~~呀~~~呀

（回音中）