928 Pugmart 5th Anniversary!

嘻嘻~~依家先黎講返上個月Pugmart五周年活動嘅盛況添。

我地果日喺旺角坐旅遊巴去到HKCWAC，當日好熱鬧呀，有好多好耐冇見嘅朋友仔，仲有好多未見過嘅新朋友呀！

↑金叮媽自家製嘅金叮Tee，勁呀！

↑肉騰騰小me喪跑連環圖

↑小me：跑完步，係咪覺得我瘦左呀！咁一陣有乜食呀？

↑FeeFee：今日肥妹女神喺度呀，我唔可以接近其他女仔架

↑享受緊日光浴嘅棉花糖

↑八哥扮野比賽嘅參加者呀，個個造型都好搞笑呀

↑爆炸頭Pugman Mung Mung

↑賣假生果嘅小紅帽金叮

↑仲有我沙憎me呀

↑小me：耶~~明明我同金叮扮緊Twins應該好搶鏡架麻，你個餅餅妹攝入黎不特止，

仲要笑得咁鬼燦爛...，即係分明博上鏡姐~~

↑點解稱身的衣裳......現在已都穿不上.......

↑小me：我諗緊野，唔係大便！（Peggy：肥到雙下巴都出左黎喇）

↑影返張人強狗壯大合照先

搭旅遊巴返旺角時，Charcoal同小me都好累咯，本來小me訓喺我大脾，而Charcoal就入袋訓。點知條路多彎所以搞到小me左搖右擺訓唔Lum，所以佢竟然死逼爛逼，逼埋入袋袋入面同Charcoal訓。

↑Charcoal：好逼呀！

↑小me：得架喇，你留返個窿俾我抖氣就得架喇~~

↑是日大豐收！起碼一年唔使買沖涼液同零食！

辛苦晒Pugmart所有工作人員呀，我地玩得好開心呢！
多謝Ada，Lois，Frankma，Patrick，粉果爸等等....你地真係好辛苦呢

又到診所

今日我地又去左診所喇，因為Charcoal尿尿有血呀。我地約左今日3:15pm睇Elaine醫生。依家所有野已經去晒新診所運作，所以超多人呀，等待嘅時間仲耐過以前舊診所，我地足足等到6pm先睇完醫生兼拎藥走人呢。

↑Charcoal：係呀！又係我呀！今個月頭黎打針針果時，周醫生都問過我尿尿仲會唔會有血（因我舊年試過），

我仲好醒咁話冇㖭！

↑Charcoal：喺診所好悶悶呀，我想出去玩！

↑Charcoal：各位，依個就係接待處喇，家下我好熟路架喇....

↑Charcoal：爸爸媽媽話有本雜誌有Charcoal貓呀（黑色異國短毛貓），佢地睇到勁興奮呢

↑Charcoal：爸爸，我知你悶.....但都唔好攞我黎反好喎

↑Charcoal（怒啤）：好喇下！我知你冇好野架~~

↑CEO：傻B黎嘅，爸爸想摸下你之麻

↑Charcoal：..............（變左墨西哥人）

↑媽媽：爸爸，攞完藥走得喇~~

↑Charcoal：..............未得呀！漏左我呀呀呀呀呀~~~~

↑Charcoal：依~~~衰人黎架，又嚇鬼我

今朝Charcoal喺我地未起身就去左尿尿，所以拎唔到urine sample黎化驗，本來諗住要用針筒同佢抽尿架，但醫生一同佢入照ultra sound果間房，佢就好醒咁喺地地VV左，Elaine醫生就用果D尿尿幫佢化驗。

但因為膀胱冇晒尿尿，所以照ultra sound就比較困難。醫生話Charcoal係有發炎，但見唔到有明顯嘅晶石，所以暫時只需食抗生素，不過都要俾埋S/D糧佢食（但係未有貨），兩星期後再覆診。

新診所

星期六，約左周醫生幫小me覆診同埋幫Charcoal打瘋狗症預防針。

今次我地係去太平道診所嘅新店呀！

新店喺自由道，喺舊店附近轉個彎就到。新店好大好舒適呀，不過仲裝修緊，所以只係少部份醫生過左黎依邊應診。

Charcoal同小me一黎到就要上磅喇，個磅凍冰冰好舒服，佢地兩個上咗磅都唔願落返黎，大家係咪好想知道佢地家下有幾肥呢？........

登登登....登.........Charcoal 7kg，都算keep住咁上下。而小me.....8.3kg呀呀呀

↑兩條肥芝麻卷（左：小me，右：Charcoal）

↑新診所地方夠大，想點訓都得呀

周醫生幫佢地簡單咁檢查咗身體，先幫Charcoal打左針針，跟住就幫小me檢查眼仔喇。
醫生話佢眼仔D色素淺左好多，可以唔使滴果支眼油喇！Yeah~~

醫生問我地小me仲有冇其他問題，我咪話埋俾醫生知小me間唔中會流D肛門腺分泌出黎囉（仲要次次都係流落我隻手）。跟住醫生就好好人咁幫小me唧埋D肛門腺，嘻，好抵呀！

最後我問咗周醫生一個我一直都唔敢問嘅問題：其實呢......小me應幾重先算標準呀？
周醫生：大約6kg啦~~
下.......多左2kg咁多！aiya~~~

鞋痴

四寶丸都係鞋痴，佢地最鍾意咬鞋帶，食皮鞋（一定要係真皮喎），同埋用鞋墊住自己食野。

而小me就係鞋痴中嘅鞋痴！佢除左鍾意做以上嘅野之外，仲會收埋你其中一隻鞋.....同埋喺鞋鞋上面訓覺。

半夜起身，見到小me已經好舒服咁訓左喺鞋鞋上面，依兩對鞋，好似係專登俾佢訓咁，完全配合左小me嘅身形同弧度呀！

Charcoal & 金叮小小生日會

6月28日係Charcoal（4歲）同金叮（3歲）嘅生日，我地29號喺Let's Dog Cafe搞左個小小嘅生日會，多謝各位大朋友小朋友賞面嚟同我地一齊玩呀。

↑多謝大家嘅禮物呀，多謝黎同Charcoal金叮慶祝生日嘅大小朋友，是日酒微菜薄，希望你地都玩得開心啦

↑黑白美少女制服大誘惑

↑Charcoal：多謝金叮媽送左件咁性感嘅校裙俾我呀，不過人地G奶黎架麻，扣唔埋鈕添

↑見唔見到呀？最左手面果個係逼爆衫嘅小me呀.....（真係肥左好多咩？）

↑棉老大，原來你個patpat都幾渾圓架喎

↑Feefee，你成日追住花B爸黎鬧，真係笑鬼屎我喇

↑Moby同小棉，你地兩個睇咩睇到咁入神呀？

↑Toby大佬冇眼睇？

↑Bosco你真係好活潑呀，哥基真係好可愛架姐

↑Lala你戴左Minnie耳仔好似小宮女咁呀，好cute呢！

↑怕羞仔仔，不如下次同Muffin一齊練大膽吖嘻嘻

↑Muffin今次又大膽左喇，出街冇扭計呀！（雖然走果時都係唔敢落樓梯）

↑CEO整嘅生日蛋糕，我嘅貢獻係砌strawberries同寫字.....

↑3，2，1！Happy birthday！（金叮：我睇住你架，唔好噴晒D口水出黎呀下）

↑小惡魔Charcoal：爸B~~~小me就黎食晒我個蛋糕喇~~~~~~吼吼吼

↑金叮巡視業務中