尿尿有血呀

早幾日發現Charcoal嘅小便間唔中會帶有幾滴血，所以尋日就打去診所睇下book唔book到今日睇醫生，星期六日嘅期不嬲都好快full，但好彩Elaine醫生俾我地插隊，於是今日10:30am我地就同Charcoal去睇醫生喇。

Elaine醫生懷疑Charcoal係膀胱發炎，不過為左安全起見我地都做埋超聲波同埋驗小便，睇下有冇晶體；同埋照左X-ray睇下會唔會有尿石，好彩都冇發現有晶體或者結石，所以Charcoal應該係細菌感染引致發炎，醫生開左啲抗生素俾Charcoal，10日後再帶小便嘅sample去覆診。

驗小便果時Charcoal好叻叻呀，因為Elaine醫生要篤支針針喺Charcoal個肚仔度，直接喺佢膀胱抽小便，我初頭好驚會痛架，但係Charcoal又冇咩反應喎，仲好似想訓覺咁添，Elaine醫生都話Charcoal好勇敢呀。

返到屋企餵左Charcoal食藥，不過幾小時後佢嘔呀，醫生話如果過幾日都仲係嘔，就要幫佢轉過另一隻藥喇。

花妹生日快樂

今日去petworld參加花妹嘅生日會，由於花B媽強烈地想見Charcoal，所以皮蛋你地幾個冇份喇。因為今次得我一個人去，call車好唔抵，所以就偷偷地同Charcoal搭巴士入元朗再轉的士去petworld。搭巴士果陣好好彩上層仲有一個位，但係窗口位有個叔叔坐左，而Charcoal又好想望街街.....Charcoal竟然向住果個叔叔連噴左三次鼻水！搞到我勁唔好意思咁同叔叔道歉，好彩果個叔叔冇所謂咋。

↑今日嘅主角：花妹

↑今日大部份朋友仔都係哥基，只得B仔B妹、嬌嬌同Charcoal係八哥咋

↑Charcoal：搵唔曬嘅地方係我強項

↑柱女B妹&圓姑碌B仔

↑Charcoal：點解咁熱，個嘴都會起雞皮嘅？

↑Ada一見到四個月大嘅Cherry，即刻兩眼發光（你有lala架喇）

 

↑以為Cherry係lala嘅傻嬌嬌

↑Charcoal：渾圓嘅肉背，我係冇多餘嘅瘦肉架

↑嬌嬌專享嘅葡萄糖水兜，Charcoal一試鍾情，仲當埋係自己嘅

↑媽咪：叫你去玩果D障礙物，你就同我全部避開晒佢地，有冇搞錯呀？

↑Charcoal：咪玩啦，我D腳咁短點跳喎，我肯陪你行一個圈已經好俾面你架喇

↑好快就恰眼訓嘅嬌嬌，伏喺媽咪大脾個樣好嗲呀

今日Charcoal玩到好攰呀，返到屋企洗完白白就訓到噶噶聲，小me不斷拍佢個頭都唔埋添呀