今次我地係去太平道診所嘅新店呀！
新店喺自由道，喺舊店附近轉個彎就到。新店好大好舒適呀，不過仲裝修緊，所以只係少部份醫生過左黎依邊應診。
Charcoal同小me一黎到就要上磅喇，個磅凍冰冰好舒服，佢地兩個上咗磅都唔願落返黎，大家係咪好想知道佢地家下有幾肥呢？........
登登登....登.........Charcoal 7kg，都算keep住咁上下。而小me.....8.3kg呀呀呀
↑兩條肥芝麻卷（左：小me，右：Charcoal）
↑新診所地方夠大，想點訓都得呀
周醫生幫佢地簡單咁檢查咗身體，先幫Charcoal打左針針，跟住就幫小me檢查眼仔喇。
醫生話佢眼仔D色素淺左好多，可以唔使滴果支眼油喇！Yeah~~
醫生問我地小me仲有冇其他問題，我咪話埋俾醫生知小me間唔中會流D肛門腺分泌出黎囉（仲要次次都係流落我隻手）。跟住醫生就好好人咁幫小me唧埋D肛門腺，嘻，好抵呀！
最後我問咗周醫生一個我一直都唔敢問嘅問題：其實呢......小me應幾重先算標準呀？
周醫生：大約6kg啦~~
下.......多左2kg咁多！aiya~~~
沒有留言:
發佈留言