人狗兩臀圓‧大棠BBQ

今日同好多好多狗狗朋友一齊去左大棠BBQ，提早慶祝中秋佳節人狗兩臀圓依個咁開心嘅節日。今次我一早內定左寵幸Charcoal架喇，冇得去BBQ嘅小朋友就留喺屋企瞓下晏覺啦

↑Muffin：我係正義嘅朋友──乜粉超人

↑Muffin：依位小姐唔使驚，我乜粉超人黎緊救你喇！

約左Polly同豬肶佢地一齊call van去大棠，Money同豬肶兩個一見到Charcoal都拎歪面，佢地一定係做得壞事多，所以怕黑啦。

因為唔識路，幾經波折司機叔叔先車到我地去目的地。好多朋友仔都到左喇，果度有一個好大嘅草地，Charcoal一落車已經急不及待咁要跑草地喇。

↑大家去到果度都好忙....忙住同狗狗玩&影相

↑吉仔：你咪係小me！？我媽咪同你婆婆都叫我幫手治你喎 

↑Charcoal：肥吉你唔好認錯人喎，我係散發住成熟韻味嘅Charcoal呀

↑Charcoal：肥吉你嚇我咁衰，等我揭發你嘅醜行先得

 

 

↑兩個美女黑珍珠：嬌嬌 & Charcoal

↑一直都好老定咁以為....依粒夜光星星到晚上會幫我照亮Charcoal.......

↑嬌嬌同豬肶你兩個使唔使跑到飛起晒咁勁呀？

↑霸住三兜水，一臉得戚嘅嬌嬌

↑feefee（戴住圍巾自信地說）：我今日除左黎玩之外，仲同Moby、Toby有一個好重要嘅使命架

↑Moby：冇錯！你地咪見我坐喺度唔郁咁，其實我嘅責任好重大架

↑Toby：你地唔好似為我純粹喺度展示個新髮型呀，其實我係觀察緊環境架

↑Feefee、Moby、Toby：登登登登~~我地三劍俠今日就係負責看住張食物枱，

唔知暗號嘅人埋黎拎野食格殺勿論！

↑一身夜行人打扮嘅Charcoal已成功潛入三劍俠嘅監視範圍，但Moby豬仍慒然不知

↑肥妹：家姐，我地今日係咪食BARF呀？

↑反兜王黎的先生登場

↑成日痴住姐姐嘅Money豬

↑睇睇下feefee依個斜巾look，感覺上有D謝老四feel喎

↑Bibe都黎mark返個「到此一遊」記號先

↑Charcoal：大家唔好mark錯位喎，我雖然叫Charcoal，但我唔係炭黎架....

↑唔知點解，今日好多小朋友都鍾意喺包炭度mark返個記號，圖中嘅係犯人甲dick dick

↑犯人甲行兇後向目擊証人施以恐嚇，然後向西南偏南方向逃去，估計接近汕尾以南...

↑正所謂天網灰灰，探員肥B連同目擊証人成功將犯人甲逮捕！

↑犯人甲被捕後，向廣大傳謀表示以後會金盆洗手

↑細細粒嘅餅餅妹，坐喺張櫈上面仲有好多位剩

↑對鏡頭好敏感嘅豬肶

↑吉仔：做咩唔俾人地食樹枝喎，唔制呀

↑Charcoal：Joey姐姐同姨姨整嘅螺絲粉好好味呀，食到停唔到口呀

（事後發現有人食螺絲粉嘅地方都會見到Charcoal嘅蹤影）

↑Joey同姨姨仲為每個小朋友精心咁整左好多月餅添呀，多謝晒呀

↑洪~洪~聖~~~火~~~（多得隆叔叔個無敵噴火器，勁呀！）

↑雖然今日嘅月亮唔係最圓，但真係開心滿足嘅一日，辛苦晒Stella同Moby一家搞今次活動呀

↑入夜後嘅Charcoal，好似黑夜咁黑（果粒夜光星星....唉）